Շակիրան նոր ռեկորդ է սահմանել՝ գերազանցելով Քերոլ Ջիի «Mañana Será Bonito» շրջագայության ցուցանիշները։ Շակիրան տպավորիչ 130 միլիոն դոլար է վաստակել Մեքսիկայում և Հարավային Ամերիկայում 21 համերգներից՝ գրեթե հասնելով Քերոլ Ջիի նախորդ ռեկորդին՝ 125 միլիոն դոլար 29 համերգներից։
Billboard-ի տվյալներով՝ Շակիրայի շրջագայությունը լատինաամերիկյան միակ շոուն է, որը ընդգրկվել է 2025 թվականի Midyear Boxscore Report-ի լավագույն 10-յակում՝ զբաղեցնելով երկրորդ տեղը համաշխարհային վարկանիշային աղյուսակում։
Անցյալ շաբաթ Մոնրեալի Bell Centre-ի բեմում իր «Whenever, Wherever» հիթը կատարելիս երգչուհին սայթաքել և ընկել էր, բայց արագ վեր կացել և շարունակել ելույթը։ Այս պահը ֆիքսվել է Instagram Stories-ում երկրպագուի կողմից հրապարակված տեսանյութում։
Երկրպագուներն ու քննադատները նշել են Շակիրայի պրոֆեսիոնալիզմը։ Սոցիալական ցանցերում մեկնաբանություններում նրանք գրել են, որ նա «իրավիճակը վարվել է ինչպես ղեկավար» և դարձել է դիմացկունության օրինակ։ Միևնույն ժամանակ, շատերը հույս են հայտնել, որ անկումը երգչուհուն վնասվածքներ չի պատճառել։
Հարկ է նշել, որ շրջագայության ընթացքում արտիստը բախվել է մի շարք դժվարությունների. Նյու Ջերսիի «Մետլայֆ» մարզադաշտում մայիսի 15-ին կայացած շոուից հետո տեղական իշխանությունները զգուշացրել են հանդիսատեսի շրջանում կարմրուկի հնարավոր բռնկման մասին, որը կարող է ի հայտ գալ մինչև հունիսի 6-ը։
Չնայած բոլոր դժվարություններին՝ Շակիրան շարունակում է ռեկորդներ սահմանել և ապացուցել իր կարգավիճակը՝ որպես համաշխարհային բեմի առաջատար լատինաամերիկյան աստղերից մեկը։
Ջենիֆեր Լոպեսի համար Օսկար են կանխատեսում՝ «Սարդ կնոջ համբույրը» ֆիլմի առաջին թրեյլերից հետո 
