Հայերն ունեն ծիսական ուտեստների մեծ շարան և պահքի ժամանակաշրջանում կենդանական սնունդ չեն օգտագործում, սակայն Հայաստանի բնությունը թույլ է տալիս կենդանական ծագման ուտեստներից անցնել բուսական ծագման ուտեստների:

Զատկի տոնին սեղաններին դրվում են ձկնեղենից պատրաստված ուտեստներ, վայրի ուտելի բույսեր, քաշովիներ, ներկած ձու, գինի և, իհարկե, չամիչով փլավ, որը յուրահատուկ խորհուրդ ունի` չամիչով փլավը քրիստոնեական խորհուրդ ունի և պարտադիր է Զատկի սեղանին: Սպիտակ բրինձը խորհրդանշում է քրիստոնյաներին, որոնք Քրիստոսի արյամբ մաքրվել են, իսկ չամիչը խորհրդանշում է եկեղեցու սրբերին, ովքեր իրենց մարտիրոսությամբ և նվիրումով քաղցրացնում են եկեղեցին։

Պատրաստեք զատկի փլավ՝ բրնձով, չամիչով, չրեղենով հետևյալ բաղադրատոմսով.

Զատկի փլավ՝ բրնձով, չամիչով և չրեղենով հայկական Զատիկի ուտեստ է և կարելի է մատուցել տոնական սեղաններին: Զատկի սեղանի զարդը ներկված հավկիթից հետո, անտարակույս, տոնական փլավն է:

Բաղադրատոմս.

Ձեզ անհրաժեշտ են հետեւյալ բաղադրիչները Զատկի փլավը պատրաստելու համար.

բրինձ բրինձ 4 թեյի բաժակ

չամիչ չամիչ 400 գրամ

ծիրանի չիր ծիրանի չիր 100 գրամ

սալորի չիր սալորի չիր 100 գրամ

յուղ յուղ 5 ճաշի գդալ

աղ աղ

Բրինձը թրջել աղաջրում, թողնել գիշերը: Չիրն ու չամիչը գոլ ջրով լվանալ, քամել, չորացնել: Յուղը հալեցնել, չամիչը գցել յուղի մեջ, բովել այնքան, որ տռզի, ավելացնել չիրը և շարունակել բովել: Երբ յուղը ներծծվի, կրակն անջատել: Կաթսայի տակ լցնել բրնձի մի մասը, ավելացնել չրեղենը: Կրկին լցնել բրնձի մնացած մասը, դնել յուղը, չրեղենի ու չամիչի մնացած մասը ևս ավելացնել: Եփել այնքան, մինչև բրինձը եփվի, և գունազարդ փլավը պատրաստ է: Կարելի է նաև շեղվել բաղադրատոմսից՝ ավելացնելով նուշ, ընկույզ, պնդուկ և անգամ հնդկական ընկույզ:

Ձուկ` ձկնեղեն.

Բաղադրատոմս. իշխան՝ թարխունով.

Բաղադրիչներ.

-իշխան – 2-3 հատ,
-հատիկ պղպեղ – 2 հատիկ,

-հատիկ հոտավետ պղպեղ
-աղ, սև աղացած պղպեղ,
-թարմ թարխուն – 1 փունջ,
-կարագ` ըստ ճաշակի

Ձուկը մաքրել, աղ անել: Բաժանել մասերի կամ եփել ամբողջական: Տեղադրել կաթսայի մեջ, լցնել այնքան ջուր, որ ծածկի ձուկը, կարելի է նաև ջուր լցնել: Ջրի մեջ գցել հատիկ պղպեղը, հոտավետ պղպեղը և մեկ հատ դափնետերև: Թարխունը լվանալ, ամեն ձկան մեջ տեղադրել երկու-երեք ճյուղ, կարագի կեսը երկար շերտերով տեղադրել ձկան մեջ: Կարելի է նաև ձկան սուր հոտը կոտրելու համար վերջում ավելացնել կես գլուխ սոխ:

 

Մնացած կարագը գցել ջրի մեջ: Մարմանդ կրակով եփել այնքան, որ ջուրը գրեթե ցամաքի, ձկան աչքերը բնիկներից դուրս գան: Զարդարել կիտրոնի շերտերով և թարմ կանաչեղենով:

Տապակած կանաչեղենի և տոնական խմորեղենի` այն է գաթա, կուլիչ, կաթնահունց. բաղադրատոմսերը` հաջորդիվ: