Դանիացի գիտնականների հետազոտության համաձայն՝ միջին տարիքի կանայք նվազ հակված են հանդիմանել կամ պատժել իրենց երեխաներին, քան երիտասարդ մայրերը։Ու նրանց երեխաները , որպես կանոն, ավելի քիչ վարքագծային, սոցիալական կամ զգացմունքային խնդիրներ են ունենում, հայտնում է Vistanews-ը։

Ժամանակակից հաջողակ կանանցից շատերի համար մայրությունը երկրորդ պլան է մղվում քանի դեռ նրանք չեն իրագործում իրենց մասնագիտական նկրտումները։ 40 տարեկանին մոտ կանայք շատ բաների են հասնում, ամուր կանգնած են լինում ոտքերի վրա ու այլեւս տղամարդկանցից կախում չեն ունենում։ Սակայն բժիշկները սովորաբար նախազգուշացնում են, որ միջին տարիքի ծննդկանները վտանգում են իրենց առողջությունը։ 2015-ի տվյաներով Դանիայում հղի կանանց միջին տարիքը կազմում էր 30․9 ։ 40-ամյա ծննդկանների թիվը 1985-ի համեմատ քառապատկվել է։ Միջին տարիքի կանայք հոյակապ գիտեն, որ 30-ից անց ծննդաբերությունը կենսաբանական վտանգներ է պարունակում։ Հենց դրա համար էլ նրանք նվազագույնի են հասցնում այն ռիսկերը, որոնք ամբողջությամբ նրանցից են կախված։