Երիտասարդ իլյուստրատոր Մեստ Շմավոնյանն իր նոր աշխատանքներում անդրադարձել է հայկական շոու-բիզնեսի ամենահայտնի գեղեցկուհիներից երկուսին՝ Սոֆի Մխեյանին եւ Նազենի Հովհաննիսյանին:
NEWS.am STYLE-ի հետ զրույցում իլյուստրատորը պատմել է հայտնիների լուսանկարների ընտրության եւ պատկերազարդումները տեսնելուց հետո նրանց արձագանքի մասին.
«Ինչպես գիտեք՝ ես նկարում եմ հայտնիներին: Այս անգամ որոշեցի նկարել Սոֆի Մխեյանին եւ Նազենի Հովհաննիսյանին: Նկարներն ընտրում եմ պատահականության սկզբունքով: Նազենին շատ գեղեցիկ լուսանկարներ ունի, բայց ես ընտրեցի կատվի հետ լուսանկարը, քանի որ սիրում եմ տարբերվել իմ աշխատանքներում»,-ասում է իլյուստրատորը՝ հավելելով, որ Նազենին իր նկարը տեսել է Սոֆի Մխեյանի միջոցով:
«Սոֆին եւս շատ գեղեցիկ նկարներ ունի, նա շատ վառ կերպար է: 2 օր շարունակ ընտրում էի, թե որ լուսանկարը ներկայացնեմ: Երկուսն էլ շատ են հավանել աշխատանքները: Սոֆին նույինսկ ասաց, որ իր մոտ էլ կտեղադրի նկարները»,-նշեց Մեստը:
Մեստ Շմավոնյանի իլյուստրացիաներում կտեսնեք հայկական եւ արտասահմանյան շոու-բիզնեսի մի շարք հայտնիների: Նա արդեն հասցրել է նկարել Բեյոնսեին, Ռիհաննային, Քիմ Քարդաշյանին, Իվետա Մուկուչյանին, Ադրիանա Գալստյանին, Սիրուշոյին, Արփի Գաբրիելյանին եւ մի շարք այլ հայտնիների:
«Եվրատեսիլ 2024»-ում «Լադանիվան» ելույթ կունենա 8-րդ համարի ներքո 
Շքեղ ցուցադրություն, համեղ հյուրասիրություն և հայտնի հյուրեր․ Կայացավ Քրիստինա Գրիգորյանի՝ «Fashion with stars» խորագրով ցուցադրությունը 
