Երբեմն տղամարդու խանդն անցնում է բոլոր թույլատրելի սահմանները: Ինչպես վարվել, եթե ձեր ամուսինը հենց այդպիսին է:
Կա կարծիք, որ խանդը մեծ սիրո հետևանք է: Հոգեբաններն այլ կարծիք ունեն այդ խնդրի վերաբերյալ: Ավելին, նրանց կարծիքով, խանդոտ տղամարդու վերափոխումը գրեթե անհնար է: Մեծ համբերության և ինքնատիրապետման դեպքում գուցե կարողանաք մեղմել բարդ իրավիճակը:

Orer.am-ը կներկայացնի ձեզ խանդոտ տղամարդու վարքագիծը և թե ինչպես ձեռք բերել նրա վստահությունը:
Խիստ բարկանում է, երբ դուք որևէ ինքնուրույն որոշում եք կայացնում կամ մի քիչ երկար եք մնում աշխատանքի վայրում, կամ պարզապես ընկերուհիների հետ գնումներ կատարելու եք գնում: Ըստ ձեզ, այդ արարքների մեջ որևէ վատ բան չկա: Արդյունքում ստացվում է մեծ վեճ, դուք չեք կարողանում նույնիսկ մեկ խոսք ասել:

Նրան դուր չի գալիս, երբ դուք գովասանքի խոսքեր եք ասում որևէ ծանոթի մասին:
Անընդմեջ զանգահարում է, բազմաթիվ հարցեր տալիս: Իհարկե, զույգերի միջև չպետք է գաղտնիքներ լինեն, ցանկացած հարցի պետք է տալ անկեղծ պատասխան, սակայն երբ այնպիսի տպավորություն է, որ դուք ենթակվում եք հարցաքննության, դժվար է մնալ հանգիստ և անսասան, համակերպվել այդպիսի իրավիճակի հետ: Արդյունքում ևս մեկ վեճ:

Որպիսի ձեռք բերեք նրա վստահությունը, նախապես տեղյակ պահեք նրան ձեր բոլոր քայլերի մասին: Եթե ընկերուհու հետ հանդիպման եք գնում, խնդրեք նրան տուն վերադառնալիս ընկերակցել ձեզ: Գովասանքի խոսքեր ասեք, հիացեք նրանով, ասեք թե որքան եք գնահատում և սիրում նրան: Գուցե աստիճանաբար ձեռք բերեք նրա վստահությունը: Որպիսի նա հասկանա, որ իր կասկածներն անհիմն են, երբեմն ցույց տվեք, որ դուք էլ նրան եք խանդում: