Բարի սիրտ
Բարի, սիրող ու հոգատար։ Երբ կինը ժպտում է նրան, նա չի կարող չժպտալ ի պատասխան։ Կին, որից ջերմություն է բխում՝ նման կնոջ հետ տղամարդիկ կցանկանան անցկացնել ամբողջ կյանքը։

Կարեկցանք ու ըմբռնում

Տղամարդն ուզում է, որ կինը կարեկցի, աջակցի ու օգնի իրեն։ Նրա համար դա հաջող հարաբերությունների երաշխիքն է։ Չէ՞որ կյանքը լի է դժվարություններով, որոնց դուք հաստատ կբախվեք, ու նա ուզում է այնպիսի կին, որը կկարողանա հաղթահարել այդ դժվարություններն իր հետ միասին՝ մեկ թիմի նման։

Հավակնություններ ու ձգտումներ

Ամուսնու նպատակներին ու ծրագրերին աջակցելուց բացի կինը պետք է նաեւ իր սեփական նպատակներն ու երազանքներն ունենա։ Հավակնոտ կինը պատկերացնում է իր ապագան, նա վճռական է տրամադրված իրականացնել իր ծրագրերը։ Այդ կինը կարող է նվաճել աշխարհը։

Հետեւողականություն

Անկայունության հականիշը։ Եթե կինն անկանխատեսելի է, դժվար է հասկանալ, թե ինչպես նա իրեն կդրսեւորի որոշակի իրավիճակում։ Տղամարդու համար նախընտրելի է կնոջ հետեւողական վարքագիծը։ Այնպես որ՝ հարսանիքից հետո չարժե կտրուկ փոխել վարքագիծը։

Ջանքեր գործադրելու պատրաստակամություն

Ինչո՞ւ է անցնում ռոմանտիկան ու հետաքրքրությունը։ Որովհետեւ մարդիկ այլեւս ջանք չեն գործադրում հարաբերություններում։ Մինչդեռ ընդամենը մի քիչ ջանք է պետք այդ ամենը պահպանելու համար՝ փոքր անակնկալներ, անձնական ավանդույթներ, ինտիմ զրույցներ։ Կինը, որը շարունակում է անել անել այդ ամենը, ցույց է տալիս, որ առաջվա պես ուզում է լինել տղամարդու կողքին։

Նույնատեսակ արժեքներ

Բարեբախտաբար կամ դժբախտաբար, երկարատեւ հարաբերությունների համար զուտ համակրանքն ու զգացմունքները բավական չեն, շատ կարեւոր է նույնատեսակ արժեքներ ունենալը։ Ու դա այն է, թե ինչպես ենք մենք դաստիարակվել, ինչին ենք հավատում, ինչ սկզբունքներ ունենք, ինչպես ենք վերաբերվում միմյանց։

Ֆիզիկական գրավչություն

Առանց դրա հարաբերությունները պարզապես չեն սկսվում։ Բայց գրավչությունը կարեւոր է նաեւ հարաբերությունների պահպանման համար։ Ու այդ հարցում յուրաքանչյուր տղամարդ իր նախապատվություններ ունի։