Լոս Անջելեսում տեղի է ունենում «Օսկար» կինոմրցանակի պարգեւատրման 90-րդ արարողությունը: Արարողությունը, ինչպես նաեւ անցյալ տարի, վարում է Ջիմի Քիմմելը: Ինչպես միշտ, այն անցկացնելու համար ընտրվել է Dolby Theater-ը:

Ի դեպ, արարողությունը, որը սովորաբար տեղի է ունենում փետրվարին, այս անգամ անցկացվում է մարտի սկզբին, քանի որ փետրվարին աշխարհի ուշադրությունը սեւեռված էր Հարավային Կորեայում անցկացված Ձմեռային Օլիմպիադային:

«Լավագույն կանացի դերակատարում» անվականարգում հաղթեց Ֆրենսիս ՄակԴորմանդը («Երեք բիլբորդ Էբինգի սահմանին, Միսուրի»):

«Օսկարի» համար պայքարում էին՝

Սալի Հոքինսը՝ «Ջրի ձեւը»

Մարգո Ռոբինը՝ «Տոնյան ընդդեմ բոլորի»

Սիրշա Ռոնանը՝ «Լեդի Բյորդ»

Մերիլ Սթրիփը՝ «Գաղտնի դոսյե»:

«Տղամարդու լավագույն դերակատարում» անվանակարգում հաղթեց՝ Հարի Օլդմանը («Մութ ժամանակներ»):

Նրա մրցակիցներն էին՝

Տիմոտի Շալամեն՝ «Անվանիր ինձ քո անունով»

Դենիել Կալույան՝ «Հեռու գնա»

Դենզել Վաշինգթոնը՝ «Ռոման Իսրայել, Esq.»

Դենիել Դեյ Լյուիսը՝ «Անտեսանելի թել»:

«Լավագույն ռեժիսոր» անվանակարգում գլխավոր մրցանակը հանձնվեց՝ Գիլյերմո դել Տորոին («Ջրի ձեւը»):

«Օսկարի» համար պայքարում էին՝

Քրիսթոֆեր Հոլանը՝ «Դյունկերկ»

Ջորդան Փիլը՝ «Հեռու գնա»

Գրետա Գերվիգը՝ «Լեդի Բյորդ»

Փոլ Թոմաս Անդերսոնը՝ «Անտեսանելի թել»

Գիլյերմո դել Տորոն՝ «Ջրի ձեւը»:

«Երկրորդ պլանի տղամարդու լավագույն դերակատարում» անվանակարգում հաղթեց՝ Սեմ Ռոքուելը («Երեք բիլբորդ Էբինգի սահմանին, Միսուրի»):

Մրցակցություն էին կազմում՝

Ուիլեմ Դեֆոն՝ «Ֆլորիդա» նախագիծ»

Վուդի Հարելսոնը՝ «Երեք բիլբորդ Էբինգի սահմանին, Միսուրի»

Ռիչարդ Ջենքինսը՝ «Ջրի ձեւը»

Քրիսթոֆեր Փլամերը՝ «Աշխարհի բոլոր փողերը»:

«Երկրորդ պլանի կանացի լավագույն դերակատարում» անվանակարգում մրցանակը ստացավ՝ Էլիսոն Ջենին («Տոնյան ընդդեմ բոլորի»):

«Օսկարի» համար պայքարում էին՝

Մերի Ջեյ Բլայջը՝ «Մադբաունդ» ֆերման»

Լեսլի Մենվիլը՝ «Անտեսանելի թել»

Լորի Մետկաֆը՝ «Լեդի Բյորդ»

Օկտավիա Սփենսերը՝ «Ջրի ձեւը»: