Ռուս դերասանուհի Անաստասիա Զավորոտնյուկի վիճակը սրվել է։ Տեղեկություններ են ստացվել, որ բժիշկները նրան դեղորայքային կոմայի մեջ են գցել՝ ներքին օրգանների վրա ծանրաբեռնվածությունը նվազեցնելու համար և միացրել են արհեստական շնչառության սարքին, սակայն դերասանուհին խորը կոմայի մեջ է ընկել։

Ինչպես հաղորդում է Teleprogramma.pro կայքը, դերասանուհին հնարավոր է III կամ IV աստիճանի կոմայի մեջ է։ Այդ մասին պատմել է բժիշկ-ռեանիմատոլոգը։

Բժշկի խոսքերով՝ դերասանուհու մոտ, ամենայն հավանականությամբ, «ուռուցքային կոմա» է՝ հավելելով, որ III աստիճանի կոմայի դեպքում հիվանդը երբեմն կարող է ինքնուրույն շնչել, իսկ IV աստիճանի կոման հանգեցնում է մահվան:

«Եթե հիվանդը IV աստիճանի կոմայից դուրս է գալիս, դա հրաշք է»,- ասել է բժիշկը։

Նշենք, որ Անաստասիա Զավորոտնյուկի մոտ գլխուղեղի քաղցկեղ են ախտորոշել: