hraparak.am -ը գրել է. Մոտ մեկ շաբաթ առաջ Տավուշի սահմանամերձ հատվածից տեղեկություն էինք ստացել, որ հակառակորդը ակտիվություն է ցուցաբերում նաև Տավուշի սահմանին, մասնավորապես՝ Բերդ համայնքի հատվածում գտնվող «Անվախ» դիրքի ուղղությամբ կուտակումներ են նկատվում։

Հիշեցնենք, որ սա այն դիրքն է, որը 2020 թվականի ամռանն անցավ հայկական զինուժի տնօրինության տակ եւ Նիկոլ Փաշինյանը դրանից հաղթական շոու սարքեց՝ 100-ի չափ զինծառայողների կոչումներ ու մեդալներ շնորհելով եւ հերոսամարտ որակելով։ 


Թերեւս, Արդբեջանը այժմ փորձում է այս մասում էլ ռեւանշի գնալ։ Մեզ ասացին, որ զորքն արդեն քանի օր է բերվել է թիվ 1 պատրաստության։ 

Մենք կապվեցինք Բերդի համայնքապետ Հարություն Մանուչարյանի հետ, նա ասաց, որ այս պահին իր աշխատավայրում է, որեւէ բան չի տեսել։ Հարցրինք՝ «Անվախ» դիրքը Բերդ համայնքի ուղղությա՞մբ է, համայնքապետը պատասխանեց, որ մեր հարցերի պատասխանները գիտի, բայց ասել չի կարող։ 

Կապվեցինք Տավուշում զինծառայություն իրականացնող գնդապետ Սարգիս Տիտանյանի հետ, հարցրեցինք՝ ճի՞շտ է, որ «Անվախ» դիրքի ուղղությամբ կրակել են, պատասխանեց․ «Չեմ պատասխանում այդպիսի հարցերի, չէ, ամեն ինչ նորմալ է»։

 Աղբյուր՝ hraparak.am