Ադրբեջանցիները Սյունիքի հարձակումից առաջ 50 կմ երթ են իրականացրել: Այս մասին հայտնում են առաջնագծում @wargonzo նախագծի աղբյուրները։

«Երեկվա էսկալացիան ավելին էր, քան պատահական հրազենային կռիվը, որը հանգեցրեց ավելի լայն ռազմական գործողությունների: Ադրբեջանական զինուժը լավ պատրաստված էր այս հարձակմանը և առնվազն 50 կմ երկարությամբ արշավ է իրականացրել։ Դա ինքնաբուխ հարձակում չէր, և, ըստ մեր ռազմական աղբյուրների, անշուշտ հնարավորություն կար հետևելու նրանց տեղաշարժին»,֊գրում է ալիքը։

@wargonzo ծրագրի թիմը ժամանել է Ջերմուկ՝ այնտեղ նույնպես իրավիճակը գնահատելու, քանի որ երեկ ռազմական գործողությունները ծավալվել են աշխարհահռչակ հանգստավայրից 10-15 կմ հեռավորության վրա։