Սյունիքի նախկին մարզպետ Սուրիկ Խաչատրյանի որդին՝ Տրդատ Խաչատրյանը, պիտանի է ճանաչվել պարտադիր զինվորական ծառայության համար: Այս մասին NEWS.am-ի հետ զրույցում ասաց Տրդատ Խաչատրյանի փաստաբան Արմեն Մարտիրոսյանը:
Նա նշեց, որ բժշկական զննության արդյունքներով պարզվել է, որ Տրդատի մոտ առկա է նախկինում զինծառայության չմեկնելու պատճառ նշված հիվանդությունը, սակայն ավելի մեղմ արտահայտված, ինչը չի խոչընդոտի ծառայության մեկնելուն:
Փաստաբանն ասաց, որ իր տեղեկություններով Տրդատ Խաչատրյանը արդեն մեկնել է ծառայության:
Հիշեցնենք, որ Տրդատ Խաչատրյանը դիմել էր պաշտպանության նախարար Դավիթ Տոնոյանին՝ խնդրելով իրեն զորակոչել բանակ:
Ավելի վաղ ոստիկանությունը հաղորդել էր, որ Սուրիկ Խաչատրյանի որդիները հիվանդ չեն եղել, բայց ազատվել են զինծառայությունից:
На параде Победы показали новинки военной техники 
