Opta-ն ներկայացրել է Իտալիայի ընթացիկ առաջնության խորհրդանշական հավաքականը: «Ռոմայի» և Հայաստանի ազգային հավաքականի կիսապաշտպան Հենրիխ Մխիթարյանը տեղ չի գտել թիմում: Ամենաշատ՝ 4 ներկայացուցիչ ունի երկրորդ տեղում գտնվող «Ինտերը»:
Դարպասապահ. Մարկո Սիլվեստրի («Վերոնա»):
Պաշտպաններ. Դանիլո («Յուվենտուս»), Ստեֆան դե Վրեյ, Միլան Շկրինյար (երկուսն էլ ՝ «Ինտեր»), Թեո Էրնանդես («Միլան»):
Կիսապաշտպաններ. Մարսելո Բրոզովիչ («Ինտեր»), Ֆրանկ Կեսի («Միլան»), Ռոդրիգո Դե Պաուլ («Ուդինեզե»):
Հարձակվողներ. Կրիշտիանու Ռոնալդու («Յուվենտուս»), Լուիս Մուրիել («Ատալանտա»), Ռոմելու Լուկակու («Ինտեր»):
Հիշեցնենք, որ Իտալիայի ընթացիկ առաջնությունում 32-ամյա Մխիթարյանը մասնակցել է 18 խաղի և դարձել 8 գոլի ու 8 գոլային փոխանցման հեղինակ: