Ֆուտբոլի Հայաստանի ազգային հավաքականը ներկայացրել է հայտացուցակը Հյուսիսային Մակեդոնիայի դեմ Ազգերի լիգայի խմբային փուլի վերջին՝ 6-րդ տուրի հանդիպմանը: Հայտացուցակում տեղ են գտել 19 ֆուտբոլիստներ:
Ավելի վաղ հայտնի էր դարձել, որ կորոնավիրուսի պատճառով Հայաստանի հավաքականը կորուստներով է մոտենում մակեդոնացիների դեմ խաղին:
Հիշեցնենք, որ ՈւԵՖԱ-ի որոշմամբ, Հայաստան – Հյուսիսային Մակեդոնիա հանդիպումը նոյեմբերի 18-ին Երևանի «Հանրապետական» ստադիոնի փոխարեն կանցկացվի չեզոք դաշտում՝ Կիպրոսի մայրաքաղաք Նիկոսիայի GSP ստադիոնում (Երևանի ժամանակով 21:00-ին):
Ազգերի լիգայի C դիվիզիոնի երկրորդ խմբի 5-րդ տուրից հետո Խոակին Կապառոսի գլխավորած թիմը 8 միավորով երկրորդ տեղում է: Առաջատար Հյուսիսային Մակեդոնիան ունի 9 միավոր, Վրաստանը՝ 6, իսկ Էստոնիան՝ 2: Նոյեմբերի 15-ին անցկացված նախորդ տուրի խաղում Հայաստանի հավաքականը Թբիլիսիում 2:1 հաշվով հաղթել էր վրացիներին:
Ֆոտո՝ ՀՖՖ
Плейбой, филантроп, гений: Криштиану Роналду отмечает 30-летие (фото, видео) 
Мария Шарапова сохранила четвертую строчку в рейтинге WTA 
