Աշխարհի չեմպիոն, նորվեգացի Մագնուս Կարլսենի Champions Chess Tour-ի հերթական օնլայն մրցաշարի՝ New In Chess Classic-ի քառորդ եզրափակիչի առաջին խաղային օրը Լևոն Արոնյանը 3:1 հաշվով վստահ հաղթանակ է տարել ամերիկացի Ուեսլի Սոյի նկատմամբ:
Չորս պարտիաներից երեքում հաղթել է հայ գրոսմայստերը, մեկում՝ ԱՄՆ-ի ներկայացուցիչը: Քառորդ եզրափակիչի պատասխան պարտիաները տեղի կունենա ապրիլի 28-ին:
Այդ զույգի հաղթողը կիսաեզրափակիչում կմրցի Մագնուս Կարլսենի ու ադրբեջանցի Թեյմուր Ռաջաբովի պարտիայի հաղթողի հետ:
Մրցաշարի հաղթողը հայտնի կդառնա մայիսի 2-ին։ Մրցանակային հիմնադրամը 100 հազար դոլար է։ Առաջին տեղ գրաված շախմատիստը կստանա 30 հազար դոլար, երկրորդը՝ 15 հազար, երրորդը՝ 8500:
Alireza Firouzja, Liem Quang Le and Wesley So must all win on demand tomorrow to force a playoff for a place in the #NewInChess semi-finals! https://t.co/RWDHSRaLQg #c24live #ChessChamps pic.twitter.com/Bz4HvPbPhE
— chess24.com (@chess24com) April 27, 2021
