Հռոմի «Ռոմայի» կիսապաշտպան Հենրիխ Մխիթարյանն անդրադարձել է ֆուտբոլի Իտալիայի առաջնության 5-րդ տուրում «Ուդինեզեի» նկատմամբ նվազագույն հաշվով հաղթանակին ու խոսել «Լացիոյի» դեմ առաջիկա դերբիի մասին:
«Կարևոր էր հաղթել այս խաղում, քանի որ գիտենք, որ 3 օրից խաղալու ենք դերբիում: Դերբիից առաջ շատ կարևոր էր աշխատել թիմի մտածելակերպի վրա:
Շատ վատ է, որ դերբիում խաղալու ենք առանց մեր ավագի: Պելեգրինին առաջատար է, որը կառավարում է թիմը: Կորցրեցինք շատ կարևոր խաղացողի: Հուսանք, որ դա այլևս չի կրկնվի: Կարծում եմ՝ այդ դրվագում երկրորդ դեղին քարտ չկար:
Իհարկե, ես կարող եմ խաղալ Պելեգրինիի դիրքում, սակայն վերջնական որոշումը մարզիչինն է: Հաղթանակն ավելի կարևոր է: Ինձ համար միևնույն է, թե որտեղ կխաղամ: Գլխավորը հաղթանակում ներդրում ունենալն է:
Ինչ վերաբերում է Պեդրոյին, ապա հիմա ավելի լավ է կենտրոնանալ խաղի վրա, իսկ վերջում կունենանք հաղորդակցվելու հնարավորություն»,- Հայաստանի ազգային հավաքականի ավագի խոսքը մեջբերում է romapress.net-ը:
«Լացիո» - «Ռոմա» Իտալիայի առաջնության 6-րդ տուրի հանդիպումը տեղի կունենա սեպտեմբերի 26-ին և կսկսվի Երևանի ժամանակով 20:00-ին: «Ռոման» 12 միավորով չորրորդ տեղում է, իսկ «Լացիոն» ունի 8 միավոր և 7-րդն է:
Плейбой, филантроп, гений: Криштиану Роналду отмечает 30-летие (фото, видео) 
Мария Шарапова сохранила четвертую строчку в рейтинге WTA 
