Մադրիդի «Ռեալի» 36-ամյա խորվաթ կիսապաշտպան Լուկա Մոդրիչը հաստատել է, որ երկարաձգելու է պայմանագիրն իտալացի Կառլո Անչելոտիի գլխավորած թիմի հետ։
«Այո, ես կմնամ «Ռեալում», կհանդիպենք հաջորդ մրցաշրջանում»,- Մոդրիչի խոսքը մեջբերում է AS-ը։
Ավարտված մրցաշրջանում Մոդրիչը «Ռեալի» հետ մասնակցել է 45 հանդիպման, խփել 3 գոլ, կատարել 12 գոլային փոխանցում։
Մոդրիչը 2012-ին է Լոնդոնի «Տոտենհեմից» 35 միլիոն եվրոյի դիմաց տեղափոխվել «Ռեալ», որի հետ դարձել է Իսպանիայի եռակի չեմպիոն, Չեմպիոնների լիգայի հնգակի գավաթակիր, աշխարհի քառակի ակումբային չեմպիոն, Եվրոպայի եռակի սուպերգավաթակիր, Իսպանիայի քառակի սուպերգավաթակիր, մեկ անգամ էլ՝ Իսպանիայի գավաթակիր։
Ինձագի․ Մխիթարյանի անհավանական սեյվը խորհրդանշական է այս թիմի համար (տեսանյութ) 
