Առաջին ամառային եվրոպականխաղերի մրցակցային 6-րդ օրը` հունիսի 18-ին մեկնարկ դուրս կգա Հայաստանի 5 ներկայացուցիչ, հայտնում է Առաջին Եվրոպական խաղերին մասնակցող Հայաստանի հավաքականի մամուլի քարտուղար Կարեն Գիլոյանը՝ ֆեյսբուքյան իր էջում:  

Նրանցից 3-ը ազատ ոճի ըմբիշ են:

61 կգ քաշային կարգում հանդես կգա մինչև 23 տարեկանների այս տարվա Եվրոպայի չեմպիոն Վոլոդիա Ֆրանգուլյանը: 1/8-րդ եզրափակիչում նա ուժերը կչափի ադրբեջանցի Ալիևի հետ:

86 կգ քաշային կարգում Հայաստանը կներկայացնի Եվրոպայի բազմակի մրցանակակիր Մուսա Մուրթազալիևը: 1/16-րդ եզրափակիչում նա կմրցի թուրք Բիլիջիի հետ:

Գերծանր քաշային կարգում էլ հանդես կգա Լևան Բերիանիձեն: Մեր մարզիկը պայքարը կսկսի 1/8-րդ եզրափակիչից և ուժերը կչափի Օլիմպիական խաղերի, Աշխարհի ու Եվրոպայի բազմակի չեմպիոն, ռուսաստանցի Հաջիմուրադ Գացալովի հետ:

Մրցման մեկնարկը կտրվի Երևանի ժամանակով առավոտյան 9-ին: 

Ժամը 11-ի սահմաններում տատամի դուրս կգա թեքվանդիստ Արման Երեմյանը: Նրա առաջին փուլի մրցակիցը թուրք Յունուս Սարին է:

Բռնցքամարտիկ Նիկոլ Արությունովը հանդես է գալիս 81 կգ քաշային կարգում: Վաղը ժամը 12-ի սահմաններում նա դուրս կգա ռինգ և կմենամարտի լեհ Յորդան Կուլինսկիի հետ: