Հայաստանի մարմնամարզության հավաքականի անդամները մարտի 2629-ը Կատարում կմասնակցեն Աշխարհի գավաթի առաջնությանը:
Ինչպես «Արմենպրես»-ին տեղեկացրեց Հայաստանի մարմնամարզության ֆեդերացիայի գլխավոր քարտուղար Գառնիկ Սարոյանը, Աշխարհի գավաթի խաղարկությանը մեկնելու են 4 մարզիկ՝ Վահագն Դավթյանը, Արթուր Դավթյանը, Հարություն Մեջլումյանը, Արթուր Թովմասյանը: Ապրիլի սկզբին Հայաստանում կանցկացվի հանրապետական առաջնություն: Ակնկալվում է, որ առաջնությանը կմասնակցեն 30-ից ավելի մարմնամարզիկներ եւ 20 մարմնամարզուհիներ: Հանրապետական առաջնությունից հետո պարզ կդառնա, թե թիմն ինչպիսի կազմով կմեկնի Եվրոպայի առաջնություն:
«Աշխարհի գավաթից ակնկալոմ ենք ոսկե մեդալներ ձեռք բերել օղակներ եւ հենացատկեր մարզաձեւերից: Սրանք մեր ուժեղ ձեւերն են: Եվրոպայի առաջնությանը փորձելու ենք մտնել 12 ուժեղագույն հավաքականների ցանկում»,ասաց Գ. Սարոյանը:
Ինձագի․ Մխիթարյանի անհավանական սեյվը խորհրդանշական է այս թիմի համար (տեսանյութ) 
