«Չելսիի» գլխավոր մարզիչ Անտոնիո Կոնտեն հայտնել է, որ ընթացիկ մրցաշրջանը, որի ընթացքում իր թիմը հաղթեց անգլիական Պրեմիեր-լիգայում, իր համար հեշտ չստացվեց՝ ընտանեկան առումով:

Մասնագետի խոսքով, սրանով պայմանավորված, նրա կինն ու աղջիկը շուտով մտադիր են Իտալիայից տեղափոխվել Լոնդոն.

«Անկեղծ ասած, այս մրցաշրջանն ինձ համար հեշտ չստացվեց ընտանեկան հարցերի տեսանկյունից, քանի որ կինս որոշեց մնալ Իտալիայում, որպեսզի աղջիկս ավարտի դպրոցը:

Բայց «Չելսիում» իմ հաջորդ մրցաշրջանի ժամանակ ընտանիքս մտադիր է տեղափոխվել Լոնդոն, որպեսզի մենք բոլորս միասին լինենք: Աղջկաս համար սա հետաքրքիր հնարավորություն կլինի՝ ապրել նոր երկրում և սովորել արտասահմանյան դպրոցում»,- Կոնտեի խոսքերն է փոխանցում «ESPN FC»-ն:

Հիշեցնենք՝ Կոնտեն «Չելսիում» իր առաջին մրցաշրջանում թիմի հետ նվաճեց ԱՊԼ-ի չեմպիոնությունը: