Կատալոնական «Բարսելոնայի» բրազիլացի հարձակվող Նեյմարը թիմի` Մայամիում անցկացրած մարզման ժամանակ կռվի է բռնվել թիմակից Նելսոն Սեմեդուի հետ:
Այս մասին հայտնում է «Daily Mail»-ը:
Բրազիլացու և «Բարսելոնայի» նորեկի միջև ծագած վիճաբանությանն արագ միջամտել են թիմակիցներ Խավիեր Մասկերանոն և Սերխիո Բուսկետսը, որոնք փորձել են հանդարտեցնել կրքերը:
Այնուհետև, բարկացած Նեյմարը դեն է նետել մարզումային հագուստն ու կիսատ թողել կատալոնացիների հետ մարզումը:
Հիշեցնենք` ավելի վաղ հաղորդվում էր, որ Նեյմարը ՊՍԺ-ի հետ համաձայնեցրել է պայմանագիրը` տարեկան 30 մլն եվրո աշխատավարձով և «Բարսելոնայի» ղեկավարությանը հայտնել է ակումբը փոխելու ցանկության մասին: Տրանսֆերի արժեքը կարող է 222 մլն եվրո կազմել:
Ինձագի․ Մխիթարյանի անհավանական սեյվը խորհրդանշական է այս թիմի համար (տեսանյութ) 
