Ֆուտբոլի Հայաստանի երիտասարդական հավաքականը Եվրոպայի 2017 թվականի առաջնության խմբային փուլում оրերս Երևանում 5:0 հաշվով զիջեց Ավստրիային: Մարզադաշտում ներկա փոքրաթիվ ֆուտբոլասերները, տեսնելով խայտառակությունը, բացահայտ կերպով երկրպագում էին Ավստրիային՝ ծաղրելով մեր խաղացողներին: Սա ոչ միայն ցավալի, այլև վտանգավոր երևույթ է: Այս կերպ շարունակվելու դեպքում ֆուտբոլասերն ուղղակի ատելությամբ կլցվի հայկական ֆուտբոլի նկատմամբ: Չեխիայի՝ մինչև 17 տարեկան ֆուտբոլիստների Եվրոպայի առաջնության ընտրական փուլի մեկնարկային խաղով Հայաստանի հավաքականը գերխայտառակ պարտություն է կրել: Մեր ֆուտբոլիստները 7:0 հաշվով զիջել են չեխերին: Նշենք, որ այս ենթախմբում ընդգրկված են նաև Թուրքիայի և Իսրայելի հավաքականները: Այսինքն, մեր խայտառակություններն ավելի ցավալի կարող են դառնալ.
Հիշեցնենք, որ 2015 թվականի նոյեմբերին ՀՖՖ նախագահ Ռուբեն Հայրապետյանը հայտարարել էր, որ 2018 թվականի աշխարհի առաջնությունում մեր հավաքականի ձախողվելու դեպքում հրաժարական կտա: Իսկ ձախողում՝ նշանակում է չտիրանալ եզրափակիչ փուլի ուղեգրին: Մեր հավաքականի վերջին ձախողումներից հետո շատերն են հիշատակում Ռուբեն Հայրապետյանի խոսքերը: «Եթե չստացվի, ես հեռանալու եմ: Ես գնում եմ: Երբ եմ ասել, թե այս շրջափուլը չեղավ՝ ես կգնամ: Ես ստախոս չեմ: Ես իմ խոսքը պահում եմ. եթե չկարողացա կարգավորել՝ գնալու եմ: Հայկական առաջնությունում տոտալիզատոր է մտել, եթե չկարողանամ վերացնել, գնալու եմ: Եթե անկարգապահությունը չկարողանամ վերացնել, գնալու եմ: Հաճույքով կգնամ, ուղղակի հիմա թասիբի են գցել, դրա համար չեմ գնում»,- ասել էր Հայրապետյանը:
Մեր ազգային հավաքականը ձախողվեց, մյուս հավաքականներnն այդ ճանապարհին են, տեսնես հիմա ո՞վ և ինչո՞վ է թասիբի գցում Ռուբեն Հայրապետյանին, որ վերջինս չի կատարում իր իսկ տված խոստումը և չի ազատում հայկական ֆուտբոլն այս, մեղմ ասած՝ մղձավանջից: Հայրապետյանին պաշտպանող հանրապետականները՝ Էդուարդ Շարմազանովը, Հրայր Թովմասյանը և մյուսները միաբերան պնդում էին, որ մարդը մանկապատանեկան ֆուտբոլ է զարգացնում, ահռելի ավանդ ունի այդ գործում, պետք է սպասել, քանի որ արդյունքներն այդքան շուտ երևան գալ չեն կարող: Թերևս Ռուբեն Հայրապետյանի «հսկայական ավանդի» շնորհիվ էլ արձանագրվեցին վերոնշյալ խայտառակ պարտությունները: Համաձայնե՛ք՝ բոլորը կնախընտրեին չունենալ ակադեմիաներ, սակայն դրանց փոխարեն ունենալ ֆուտբոլ: Ակադեմիաներով ֆուտբոլ չեն կառուցում: Ֆուտբոլ ունենալու համար ֆուտբոլը պետք է վստահել ֆուտբոլից հասկացող մարդու, որը երկրում կստեղծի ֆուտբոլային մթնոլորտ: Մթնոլորտի առկայության դեպքում երեխան ֆուտբոլիստ կդառնա նույնիսկ ասֆալտի վրա պարապելով: Ֆուտբոլային մթնոլորտի դեպքում մարդիկ ցանկություն կհայտնեն թիմեր բացելու և մասնակցելու Հայաստանի առաջնությանը: Կուտակված գորշ ամպերի պարագայում քչերը կցանկանան ներդրումներ կատարել, թիմեր ստեղծել, մասնագետներ հրավիրել, բայց Հայրապետյանն այդ ուղղությամբ ոչինչ չի ձեռնարկում, դեռ ավելին՝ չի էլ մտածում հրաժարականի մասին;
Հրաժարականի ու դրա հիմնական պատճառաբանության՝ ձախողված մրցելույթների շուրջ քննարկումները լղոզելու համար Ֆեդերացիան հայտարարեց, թե առաջիկայում Հայաստանի հավաքականն ընկերական հանդիպում է անցկացնելու Բելառուսի հավաքականի հետ: Հետո նաև Ֆեդերացիայից տեղեկացրին, որ բացի այս հանդիպումից, մեկ այլ ընկերական խաղ ևս սպասվում է: Ընկերական հանդիպումներն անց են կացվում հավաքականը թիմային մարզավիճակի բերելու համար: Դրանք յուրատեսակ մարզման բնույթ ունեն ու անց են կացվում կարևոր պաշտոնական հանդիպումներից առաջ: Իսկ պաշտոնական հանդիպումներ՝ Հայաստանի հավաքականին սպասվում են մյուս տարի: Հետևաբար, Բելառուսի հետ հանդիպումը որևէ օգտակար գործողության գործակից չունի հավաքականի համար: Հավաքականի համար չունի, բայց Հայրապետյանի համար ունի՝ փրփուրներից կախվելով օրակարգից հրաժարականի թեման հանելու և ֆեդերացիայի նախագահի պաշտոնը զբաղեցնել շարունակելու հիմքով:
Ստելլա Խաչատրյան
Այս թեմայով
Չեմպիոնների լիգա․ Քառորդ եզրափակիչի զույգերը
Իտալիայի Ա Սերիա․ Մեկնարկում է 29-րդ տուրը
Հայաստանի հավաքականի կազմը
Օրվա հանդիպումների անոնս
Հայաստանի գավաթ․ Մեկնարկում է քառորդ եզրափակիչը
Օրվա հանդիպումների անոնս
Մեսիի եւ Սուարեսի գոլերը «Ինտեր Մայամիին» փրկեցին պարտությունից (տեսանյութ)
Իտալիայի Ա Սերիա․ Մեկնարկում է 28-րդ տուրը
Արգենտինայի հավաքականի կազմը
Ջորջինա Ռոդրիգեսը Փարիզի Նորաձեւության շաբաթվա շրջանակում հարգանքի տուրք է մատուցել սիրելիին՝ Կրիշտիանու Ռոնալդուին
Դեշամ․ Չեմ կարող անտարբեր մնալ Պոգբայի վշտին
Laureus World Sports Awards-ի հավակնորդները
«Ինտեր Մայամին» խուսափեց պարտությունից Մեսիի գոլի շնորհիվ (տեսանյութ)
Մարմնամարզության աշխարհի գավաթ. Արթուր Դավթյանը՝ ոսկե, Վահագն Դավթյանը՝ բրոնզե մեդալակիր
Օրվա հանդիպումների անոնս
Օրվա հանդիպումների անոնս
Հովհաննես Հարությունյանը «Սոչիից» կվերադառնա «Փյունիկ»
Վերսկսվում է Հայաստանի Պրեմիեր լիգայի մրցաշրջանը
Եվրոպայի լիգա․ Օրվա հանդիպումները
Հռիփսիմե Խուրշուդյան. Եթե ամեն ինչ լավ լինի, վնասվածքներս բուժեմ, կմասնակցեմ աշխարհի առաջնությանը
«Զվարթնոցում» բազմաթիվ երկրպագուներ դիմավորեցին ծանրամարտի Հայաստանի թիմին (ֆոտո, վիդեո)
Արթուր Դավթյան․ Աշխարհի գավաթում ոսկե մեդալակիր դարձա, բայց արդյունքիցս այդքան էլ գոհ չեմ
ԵԱ․ Մրցահարթակ դուրս կգան Վարազդատ Լալայանը եւ Սիմոն Մարտիրոսյանը
Եվրոպայի չեմպիոններ Արսեն Հարությունյանի, Արման Անդրեասյանի եւ Հայաստանի թիմի դիմավորումը «Զվարթնոցում» (ֆոտո, վիդեո)
Այսօր բռնցքամարտիկ Արթուր Աբրահամի ծննդյան օրն է
Ամենադիտված
Այսօր
Այս շաբաթ
Այս ամիս
Այսօր բռնցքամարտիկ Արթուր Աբրահամի ծննդյան օրն է
Արցախի բռնցքամարտի ֆեդերացիայի նախագահ․ Պատրաստ ենք այսպես սովամահ լինել, բայց մեր հողը պահպանել
Միջադեպը որեւէ լուրջ հետեւանք չի ունեցել, Հյուսիսային պողոտայում երգող մուրացիկին նկատողություն եմ ա...
ԱԱ․ Ռինգ դուրս կգան Հովհաննես Բաչկովն ու Նարեկ Մանասյանը
ԵԱ․ Հայաստանի բռնցքամարտիկների մրցակիցները կիսաեզրափակիչում