ՊՍԺ-ի հարձակվող Նեյմարն ընդգծել է, որ թիմը համապատասխան կերպով է պատրաստվում Մադրիդի «Ռեալի» հետ կայանալիք խաղերին:

Այս թիմերը, հիշեցնենք, միմյանց հետ կմրցեն Չեմպիոնների լիգայի 1/8 եզրափակչի շրջանակում.

«Մենք պատրաստվում ենք այդ նշանակալի պայքարին: Սա եզրափակիչն է, որը շատերն ակնկալում էին, բայց այն ժամանակից շուտ կկայանա»,- Նեյմարի խոսքերն է փոխանցում «Marca»-ն:

Ավելի վաղ, բրազիլացի ֆուտբոլիստը հայտնել էր, որ իր թիմը մտադիր է պատմություն կերտել` հզոր մրցակցին Չեմպիոնների լիգայից դուրս թողնելով:

Հիշեցնենք` «Ռեալի» և ՊՍԺ-ի միջև առաջին հանդիպումը կկայանա փետրվարի 14-ին «Արքայական ակումբի» մարզադաշտում, իսկ պատասխան խաղը` մարտի 6-ին: