Լոնդոնի «Արսենալի» չիլիացի հարձակվող Ալեքսիս Սանչեսի եւ «Մանչեսթեր Յունայթեդի» կիսապաշտպան Հենրիխ Մխիթարյանի փոխանակման գործարքը կկայանա հաջորդ շաբաթվա սկզբնամասում:
BBC-ի համաձայն՝ 2 ֆուտբոլիստներն էլ պետք է թարմացնեն Անգլիայում աշխատանքի իրավունքը, քանի որ նրանք չեն ներկայացնում Եվրամիությանը անդամակցող երկրներ: Սպասվում է, որ Մխիթարյանի եւ Սանչեսի տրանսֆերների մասին պաշտոնապես կհայտարարվի հունվարի 22-ին կամ 23-ին:
Հիշեցնենք, որ Հայաստանի հավաքականի ավագն արդեն ժամանել է Լոնդոն եւ առաջիկայում բուժզննում կանցնի «Արսենալում»: 29-ամյա Ալեքսիս Սանչեսն իր հերթին մեկնել է Մանչեսթեր, որտեղ արդեն բուժզննում է անցել «Մանչեսթեր Յունայթեդի» համար:
Հենրիխ Մխիթարյան․ Անմոռանալի մրցաշրջան է 
