«Լիվերպուլի» եգիպտացի հարձակվող Մոհամեդ Սալահի գոլը «Էվերտոնի» դարպասը Անգլիայի առաջնությունում ճանաչվել է տարվա լավագույն գոլը՝ արժանանալով Ֆերենց Պուշկաշի անվան մրցանակին: ՖԻՖԱ-ի մրցանակաբաշխությունն անցկացվում է Լոնդոնում:

Ֆերենց Պուշկաշի անվան մրցանակին հավակնում էին նաեւ Ռուսաստանի հավաքականի կիսապաշտպան Դենիս Չերիշեւի գոլը Խորվաթիայի հավաքականի դարպասը աշխարհի առաջնության քառորդ եզրափակիչում, Մադրիդի «Ռեալի» ուելսցի հարձակվող Գարեթ Բեյլի գոլը անգլիական «Լիվերպուլի» դարպասը Չեմպիոնների լիգայի եզրափակիչում, Մադրիդի «Ռեալի» նախկին հարձակվող, պորտուգալացի Կրիշտիանու Ռոնալդուի գոլը իտալական «Յուվենտուսի» դարպասը Չեմպիոնների լիգայի քառորդ եզրափակիչում, Ֆրանսիայի հավաքականի պաշտպան Բենժամեն Պավարի գոլը Արգենտինայի հավաքականի դարպասը աշխարհի առաջնության 1/8 եզրափակիչում, Արգենտինայի հավաքականի հարձակվող Լիոնել Մեսիի գոլը Նիգերիայի դարպասը աշխարհի առաջնության խմբային փուլում: