ՀՀ ֆուտբոլի ազգային հավաքականի ավագ Հենրիխ Մխիթարյանի՝ «Արսենալի» 2 թիմակիցների վրա զինված հարձակում է եղել: Ինչպես գրում են բրիտանական լրատվամիջոցները, երեկ՝ հուլիսի 25-ին, զինված հանցագործները փորձել են կողոպտել Մեսութ Օզիլին ու Սեադ Կոլաշինացին:
Հանցագործները մոտոցիկլներով են եղել ու սաղավարտներ են կրել այդ պատճառով նրանց դեմքերը չեն երեւացել: Նրանք առաջին հարձակումը գործել են Կոլաշինացի տան մոտ, երբ նա պատրաստվելիս է եղել նստել Օզիլի մեքենան, որտեղ եղել է նաեւ Օզիլի կինը:
Նրանք պահանջել են Կոլաշինացի ժամացույցը, նա հասցրել է նստել մեքենան, ու Օզիլը սկսել է վարել այն դեպի ռեստորան, որի անձնակազմը նրանց լավ է ճանաչում: Հանցագործները հետեւել են Օզիլի մեքենան շուրջ 15 րոպե, քարերով վնասել են այն: Ռեստորանի տիրուհին ասել է, որ հատկապես վախեցած է եղել Օզիլի կինը:
«Արսենալի» ղեկավարությունը հաստատել է տեղի ունեցածը: Նաեւ ասել է, որ դա չի ազդի ֆուտբոլիստների մարզումների վրա:
Ոստիկանությունը հետաքննություն է անցակցնում: Ձերբակալվածներ չկան:
