Երևանի ավագանու «Բարև Երևան» խմբակցության անդամ Անահիտ Բախշյանը տարածել է հաղորդագրություն, որը ներկայացնում ենք ստորև.
«Երևանի Կենտրոնի Թումանյան Կողբացի փողոցի բնակիչներն ահազանգել են Կողբացի 50/2 հասցեում «Վահագ Դավթյան» ընկերության կողմից իրականացվող շինարարության մասին: Նրանք և երևանցիներն ընդհանրապես իրավացիորեն բողոքում են Երևանի փոքր կենտրոնի այդ մի փոքրիկ կանաչ տարածքը զավթելու և շինհրապարակ դարձնելու մասին: ՀՀ քաղաքաշինության նախարարը և Դուք բազմիցս հայտարարել եք, որ Երևանը կարիք ունի ավելացնել իր կանաչ տարածքները, որի կարիքն ունի հատկապես փոքր Կենտրոնը, ուրեմն ինչպե՞ս կբացատրեք այս անթույլատրելի շինարարության թույլտվության փաստը: Հերթական անգամ ականատեսն ենք լինում նման հայտարարությունների և իրականության միջև առկա հակասությունների:
Խնդրում եմ տրամադրել այդ տարածքի շին թույլտվության մասին ամբողջ տեղեկատվությունը` ո՞վ և ե՞րբ է տվել շին թույլտվությունը, այն չի՞ հակասում արդյոք Երևանի փոքր կենտրոնի մասին առկա նախագիծ օրենքին»:
Շաբաթ-կիրակի օրերին Հրազդանի կիրճում մեքենաների երթևեկությունը պետք է արգելել. շլագբաումներ դրեք. Ավինյան 
Մայրաքաղաքի օդում փոշու և ազոտի երկօքսիդի պարունակությունը գերազանցել է սահմանային թույլատրելի կոնցենտրացիան 
