Երևանի օղակաձև այգում, Վարդանանց և Խանջյան փողոցների հարևանությամբ գտնվող Վարդան Մամիկոնյանի հուշարձանի ճարտարապետ Ստեփան Քյուրքչյանը և քանդակագործ Երվանդ Քոչարը չէին էլ պատկերացնի, որ հայոց ազգի մեծագույն զորավարներից մեկի արձանը մի օր կհայտնվի նման անմխիթար վիճակում:
Ի՞նչ մտածեր բազմաթիվ հուշարձաններ ստեղծած Ստեփան Քյուրքչյանը, որ ոմն մի «ED» կամ «HEN» անունով երևանցի կորոշի իր անունը «անմահացնել» հենց զորավարի արձանի վրա:
Եթե սրան գումարենք այն, որ Երևանի քաղաքապետարանը պատշաճ կերպով չի կատարում իր գործառույթները, չի սահմանում վերահսկողություն հատուկ նշանակության կառույցների նկատմամբ, ապա իսկապես կհամոզվենք հուշարձանի անմխիթար վիճակում գտնվելու մեջ: Քաղաքապետարանի համապատասխան վարչության կողմից հուշարձանների լվացման գործընթացն այնքան հազվադեպ է իրականացվում, որ ամառվա փոշին վերածվում է աշնանային ցեխի, իսկ այնուհետև ձմեռվա սառույցի:
Կոչ ենք անում երևանցիներին լինել ավելի հասուն և հարգալից հուշարձանների նկատմամբ, իսկ Երևանի քաղաքապետարանին՝ ժամանակին կատարել իրենց վերապահված գործառույթները:
Շաբաթ-կիրակի օրերին Հրազդանի կիրճում մեքենաների երթևեկությունը պետք է արգելել. շլագբաումներ դրեք. Ավինյան 
Մայրաքաղաքի օդում փոշու և ազոտի երկօքսիդի պարունակությունը գերազանցել է սահմանային թույլատրելի կոնցենտրացիան 
