Դեկտեմբերի 20-ին, ժամը 19.35-ին ահազանգ է ստացվել, որ Երևանի Դավիթ Բեկ փողոցում՝ գաջի գործարանի մոտակայքում, տեղի է ունեցել ՃՏՊ, կան տուժածներ, մեկն արգելափակված է ավտոմեքենայում. անհրաժեշտ է փրկարարների օգնությունը:

Դեպքի վայր են մեկնել ՃԿԱԿ օպերատիվ խումբը և մեկ մարտական հաշվարկ:

Պարզվել է, որ Դավիթ Բեկ փողոցի թիվ 87 հասցեի մոտակայքում դեռևս չբացահայտված հանգամանքներում բախվել են «Մերսեդես E» մակնիշի 34 ZM 257 պետհամարանիշի (վարորդ ՝ Վ. Ա. 1997 թ. ծնվ.) և «Մելնիցա» տաքսի ծառայությանը պատկանող «Օպել Աստրա ՋԻ» մակնիշի 34 VF 762 պետհամարանիշի (վարորդ ՝ Հ. Ա. 1960 թ. ծնվ.) ավտոմեքենաները:

Մինչ հրշեջ-փրկարարների կանչի վայր հասնելը՝ Հ. Ա.-ը տեղի ուժերով դուրս է բերվել արգելափակումից: Հրշեջ-փրկարարները «Mercedes E» մակնիշի ավտոմեքենայի ուղևոր Գ. Մ.-ին (1991 թ. ծնվ.) դուրս են բերել արգելափակումից. տուժածները տարբեր աստիճանի մարմնական վնասվածքներով հոսպիտալացվել են «Էրեբունի» ԲԿ, որտեղ բժիշկները Գ. Մ.-ի առողջական վիճակը գնահատել են՝ ծանր կայուն, իսկ Հ. Ա.-ը միջին ծանրության:

Հրշեջ-փրկարարներն անջատել են ավտոմեքենաների մարտկոցները և փակել գազի բալոնների փականները: