Այս պահին ընթանում է Ազգային անվտանգության խորհրդի քարտուղար Արթուր Բաղդասարյանի ամփոփիչ ասուլիսը:
Ասուլիսի ընթացքում լրագրողներից մեկը հարց ուղղեց, թե ինչո՞ւ ՀԱՊԿ-ը չի անդրադառնում հայ-ադրբեջանական և ղարաբաղա-ադրբեջանական սահմանին տիրող իրավիճակին, ինչին ի պատասխան Բաղդասարյանը նշեց, որ ՀԱՊԿ գլխավոր քարտուղարը բազմիցս անդրադարձել է Ադրբեջանի կողմից կատարվող գործողություններին:
«Մենք չենք կարող սպասել, որ նա միշտ կանդրադառնա կամ կարձագանքի: ՀԱՊԿ-ն մշտապես գլխավոր քարտուղարի շուրթերով անընդունելի է համարել Ադրբեջանի գործողությունները», - նշեց նա:
ԱԱԽ քարտուղարի խոսքերով, շուտով Երևան կժամանի հենց գլխավոր քարտուղար Նիոլայ Բորդյուժան և իրենք ևս մեկ անգամ կզրուցեն այդ հարցերի մասին:
«ՀԱՊԿ-ը վեց երկրների միավորում է և ամեն անգամ չի կարող արձագաքնել: Մենք պարբերաբար նրանց տեղեկացնում ենք և նրանք տեղեկացված են սահմանին տիրող իրավիճակի մասին», - եզրափակեց նա:
Նա նշեց, որ Ադրբեջանը սովոր է նախահարձակ լինել, իսկ հետո մեղքը գցել դիմացինի վրա: Բաղդասարյանի խոսքերով, պետք է բոլոր սադրանքներին պատասխան տրվի, որպեսզի դիմացինը հասկանա, որ իրենց գործողություններն անպատիժ չեն մնա:
«Մենք պետք է շարունակենք պատասխանել նրանց գործողություններին և իհարկե շարունակել նաև բանակցությունները», - նշեց նա:
Մանրամասները՝ YerevanNews.am-ի տեսանյութում՝ քիչ ավելի ուշ:
Նիկոլ Փաշինյանը պատմել է, թե ինչու է որոշել սափրվել 
