ԱՄՆ պաշտպանության նախարար Լլոյդ Օսթինը կիրակի օրը հայտարարել է, որ հրամայել է Ford ավիակիր հարվածային խմբավորմանը շարժվել Միջերկրական ծովի արևելյան հատված, որպեսզի պատրաստ լինի օգնել Իսրայելին պաղեստինյան ՀԱՄԱՍ խմբավորման հարձակումից հետո, հաղորդում է Associated Press-ը:
ԱՄՆ ռազմածովային ուժերի ավիակիր «Ջերալդ Ֆորդին» և նրա մոտ 5000 նավաստիներին ու տախտակամածին գտնվող մարտական ինքնաթիռներին կուղեկցեն հածանավերն ու էսկադրոնային ականակիրները՝ որպես ուժի ցուցադրություն, որի նպատակն է պատրաստ լինել արձագանքելու ամեն ինչին՝ ՀԱՄԱՍ-ին զենքի մատակարարում թույլ չտալուց մինչև հսկողության իրականացումը:
Մասշտաբային տեղակայումը, որը ներառում է նաև բազմաթիվ նավեր և ռազմական ինքնաթիռներ, ընդգծում է Միացյալ Նահանգների մտահոգությունները, որը փորձում է զսպել հակամարտության սրումը: Ford-ի հետ միասին ԱՄՆ-ն դեպի տարածաշրջան է ուղարկում USS Normandy հածանավը, USS Thomas Hudner, USS Ramage, USS Carney և USS Roosevelt էսկադրոնային ականակիրները, ինչպես նաև ԱՄՆ ռազմաօդային ուժերի F-35, F-15, F-16 և A-10 կործանիչների էսկադրիլիաներ։
«Բացի այդ, Բայդենի վարչակազմը Իսրայելի պաշտպանության բանակին անհապաղ կտրամադրի լրացուցիչ սարքավորումներ և ռեսուրսներ, ներառյալ զինամթերք: Անվտանգության առաջին օգնությունը կսկսի շարժվել այսօր և կհասնի մոտ օրերս»,- ասել է Օսթինը:
Վիրջինիայի Նորֆոլկ քաղաքում բազավորված ավիակիր հարվածային խումբն արդեն Միջերկրական ծովում էր: Անցյալ շաբաթ այն ռազմածովային զորավարժություններ է անցկացրել Իտալիայի հետ Հոնիական ծովում։ Ավիակիրն անցնում է իր առաջին ամբողջական բացազատումը։
