ԱՄՆ-ի շտաբների պետերի միացյալ կոմիտեի պետ Չարլզ Ք Բրաունը Իրանին կոչ է արել չմիջամտել Իսրայելի հակամարտությանը, հայտնում է Reuters-ը։
Սպիտակ տունն ավելի վաղ հայտարարել էր, որ Իրանը ներգրավված է հակամարտությունում, թեև Միացյալ Նահանգները «ոչ մի հետախուզական տվյալներ կամ ապացույց չունի, որը ցույց է տալիս Իրանի անմիջական մասնակցությունը Իսրայելի վրա հարձակումներին»:
Հարցին, թե ինչ ուղերձ կցանկանար ուղղել Իրանին, գեներալ Չարլզ Ք. Բրաունը պատասխանել է. «չխառնվել»:
Երկուշաբթի օրը Լիբանանում իսրայելական հրետակոծության հետևանքով զոհվել է առնվազն երեք «Հեզբոլլահի» մարտիկ, և Իսրայելը հայտնել է, որ իր սպաներից մեկը սպանվել է ավելի վաղ անդրսահմանային գրոհի ժամանակ: Անդրսահմանային բռնությունը նշանավորեց Իսրայելի և ՀԱՄԱՍ-ի միջև հակամարտության զգալի ընդլայնում դեպի Իսրայել-Լիբանան սահման:
«Մենք ցանկանում ենք բավականին ուժեղ ազդակ հղել. Մենք չենք ցանկանում հակամարտության ընդլայնում, և գաղափարն այն է, որ այդ ուղերձը բարձրաձայն և հստակ հղենք Իրանին»,- ասել է Բրաունը:
ԱՄՆ զինուժը «ուժեղացնում է» Իսրայելին հակաօդային պաշտպանության, զինամթերքի և անվտանգության այլ աջակցության նոր մատակարարումները։ Կիրակի Պենտագոնը հայտարարել է, որ ավիակիր հարվածային խումբ է ուղարկում Իսրայելին ավելի մոտ:
«Սա աջակցության շատ ուժեղ ազդանշան է Իսրայելին: Բայց դա նաև զսպման ուժեղ ազդանշան է այս կոնկրետ հակամարտության ընդլայնումը զսպելու համար», - ասել է Բրաունը:
Բրաունը իրավիճակը քննարկել է նաև Իսրայելի շտաբի պետ, գեներալ-լեյտենանտ Հերզի Հալևիի հետ։ Կողմերը քննարկել են տարածաշրջանում ԱՄՆ-ի ռազմական դիրքերի ամրապնդման հարցը՝ տարածաշրջանային զսպում ստեղծելու նպատակով և խոստացել են սերտ շփումներ պահպանել։
