Մադրիդի «Ռեալի» ղեկավարությունն ընտրել է այն ֆուտբոլիստներին, որոնց ակումբը փորձելու է ձեռք բերել 2021 թվականի ընթացքում, տեղեկացնում է AS-ը:
Աղբյուրի հաղորդմամբ՝ «Ռեալի» գլխավոր տրանսֆերային նպատակներն են «Լայպցիգի» պաշտպան Դայո Ուպամեկանոն, «Ռենի» կիսապաշտպան Էդուարդո Կամավինգան և ՊՍԺ-ի հարձակվող Կիլիան Մբապեն:
Կորոնավիրուսի հետևանքով առաջացած ֆինանսական դժվարությունների պատճառով Արքայական ակումբի ղեկավարությունը որոշել է ընթացիկ տրանսֆերային պատուհանի ընթացքում խոշոր գումար չծախսել տրանսֆերների վրա:
