Ուղեղում ախտածին գործընթացները ժառանգականության, կլիմայի եւ առողջական ընդհանուր վիճակի պատճառով կարող են առաջանալ, հայտարարել են բժիշկները, գրում է LentaRu-ն։

Նրանք անվանել են երեք սովորություն, որոնք տարիներ շարունակ թույլ կտան փրկել եւ երկարացնել ուղեղի աշխատունակությունը։ Նրանց կարծիքով՝ մարդն առաջին հերթին պետք է բավականաչափ քնի։ Դա թույլ է տալիս, որ ուղեղը մտավոր գործունեությունից հետո վերականգնվի: Բժիշկները հիշեցրել են, որ լավ հանգստացած մարդն ավելի աշխատունակ է, ինչպես նաեւ ավելի հեշտ է տանում սթրեսային իրավիճակները։ Երկրորդ կանոնը անընդհատ նոր բան սովորելն է։


Ուսուցման գործընթացում ուղեղում ի հայտ են գալիս նոր նեյրոնային կապեր, որոնք նպաստում են նրա մշտական զարգացմանը եւ թույլ չեն տալիս ծերանալ։ Բժիշկները նաեւ խորհուրդ են տվել աշխատանքային օրվա ընթացքում վիտամիններ եւ սննդային հավելումներ ընդունել։ Նրանք ընդգծել են, որ վիտամինները հիմնականում կարելի է եւ պետք է բանջարեղեններից ու մրգերից ստանալ։