Հայտնի ռեփեր Թիմաթին ելույթ չի ունեցել մայիսի 12-ին Կարեն Դեմիրճյանի անվան մարզահամերգային համալիրում կայացած համերգին: Համերգին հանդես են եկել Black Star խմբի մյուս անդամները՝ Քրիստինա Սի-Սարկիսյանը, L’ONEը և MOT-ը:
Համերգի կազմակերպիչները միայն համերգային ծրագրի վերջում են երկրպագուներին հայտնել, որ ռեփերը ելույթ չի ունենա: Ներկաները վրդովվել են և շշեր նետել բեմ: Կեսգիշերին Թիմաթին տեսանյութ է հրապարակել:
«Սիրելի ընկերներ, Երևան, ցավոք սրտի ես չկարողացա այսօր բեմ բարձրանալ
տեխնիկական և այլ խնդիրների պատճառով: Հուսամ, որ ձեզ դուր են եկել Քրիստինա Սիի, L’ONEի և MOT-ի կատարումները: Իմ համերգը չի չեղարկվում, այն հետաձգվում է: Պահպանեք ձեր տոմսերը, քանի որ դրանք կգործեն նաև հաջորդ համերգին: Շուտով մենք կհայտարարենք նոր համերգի օրը, որը կկայանա նույն վայրում և կանենք ամեն բան ձեզ չհիասթափեցնելու համար», տեսանյութում նշում է Թիմաթին:
Իր ներկայացման ժամանակ ակցիա անողներին «շներ» և «սապլյակներ» անվանած Հովհաննես Դավթյանը՝ քննադատությունների կենտրոնում 
Շքեղ ցուցադրություն, համեղ հյուրասիրություն և հայտնի հյուրեր․ Կայացավ Քրիստինա Գրիգորյանի՝ «Fashion with stars» խորագրով ցուցադրությունը 
