Հայաստանի ՏԿԱԻՆ-ում, ապրիլի 29-ին, ժամը 22.37-ին տեղեկություն է ստացվել, որ Երեւանի Գլինկայի փողոցի թիվ 2 շենքի մոտակայքում քաղաքացին ընկել է փոսը. վերջինիս դուրս բերելու եւ շտապօգնության ավտոմեքենային մոտեցնելու համար անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Հրշեջ-փրկարարները 57-ամյա Վ. Պ.-ին ցուցաբերել են համապատասխան օգնություն: Տուժածը հոսպիտալացվել է «Սուրբ Գր. Լուսավորիչ» ԲԿ, որտեղ բժիշկները տուժածի առողջական վիճակը գնահատել են բավարար: