«Կա կոնտեքստ, որ եկեք՝ կոմունալ վճարները հետաձգենք։ Հարց՝ պետական աշխատողների կոմունալներն ինչո՞ւ պետք է հետաձգվեն, նրանք աշխատավարձ են ստանում, կամ ապահովված խավինն ինչո՞ւ պիտի հետաձգվի։ Պետք է թիրախավորված լինի։ Նույնիսկ սոցիալապես անապահով այն խավերի համար, որոնց կյանքում ոչ մի բան չի փոխվել, ասենք՝ մարդը նպաստառու է, ինչպես փետրվարին էր նպաստառու, այնպես էլ հիմա է»,- ԱԺ-Կառավարություն հարցուպատասխանի ժամին հայտարարեց վարչապետ Նիկոլ Փաշինյանը՝ անդրադառնալով ԼՀԿ-ական Էդմոն Մարուքյանի հարցին։ Վարչապետը հավելեց, որ պարետը պայմանավորվածություն է ձեռք բերել ՀԾԿՀ-ի միջոցով, որ անջատումներ չլինեն։