Ապրիլի 15-ին Ազգային ժողովը երկրորդ եւ վերջնական ընթերցմամբ ընդունեց «Պետական ծառայության մասին» օրենքում կատարված օրենսդրական փոփոխությունները: Քվեարկության ժամանակ 113 խորհրդարանականներ միաձայն աջակցեցին այս օրենսդրական նախաձեռնությանը:
Խորհրդարանի քննարկմանը ներկայացված օրինագծով նախատեսվում է, որ 15 հազար մարդուց պակաս բնակչությամբ համայնքների ղեկավարները 2020 թվականի հունվարի 1-ից սկսած նույնպես պետք է հայտարարագրեն իրենց ունեցվածքը:
Նշենք, որ այսօրվա դրությամբ պարտավոր էին հայտարարագիր ներկայացնել 15 հազար եւ ավելի բնակչությամբ համայնքների ղեկավարները: Արդյունքում համայնքների 502 ղեկավարներից հայտարարագիր էին ներկայացնում ընդամենը 19-ը, ներառյալ Երեւանը, իսկ համայնքների ղեկավարների թվում, որոնք իրենց հայտարարագրերը չեն ներկայացրել 30 քաղաքապետ կա:
Նշենք նաեւ, որ ներկայումս հայտարարագիր ներկայացնող պաշտոնյաների թիվը կազմում է մոտ 3200, իսկ առաջարկվող օրենսդրական փոփոխության շնորհիվ այդ թիվը կմեծանա 15 տոկոսով՝ մինչեւ 482 մարդով:
Ալիեւը «Նոլդու Փաշինյան» երգը մեքենայի մեջ դրած՝ պտտվում է Արցախով. մի բառ ասե՜ք, տղամարդ չե՞ք․ Բագրատ Սրբազան 
