«Շտապբուժօգնության» ավագ բժիշկ, բժիշկ-կարգավար Աննա Արսենյանը ֆեյսբուքյան իր էջում գրել է. «Ձեր ուշադրությունն եմ ուզում հրավիրել այն փաստի վրա, որ 1-03 ծառայությունում աշխատավարձ չենք ստացել: Առհասարակ մեր կառույցում աշխատավարձ ստանում են վերջին պլանով, ինչն անհարգալից վերաբերմունք է բժշկի հանդեպ: Ամեն օր գործ ունենք 1000 և ավելի քաղաքացիների հետ, ովքեր մեր կարիքն ունեն և պետությունը ոչ միայն չի գնահատում մեր կատարած աշխատանքը, այլ դեռ մի բան էլ քննարկման է դնում մեզ աշխատավարձ տալու հարցը...
Ես հասկանում եմ, որ երկիրը վատ վիճակում է, բայց բժիշկներին դնելով հետին պլան, դուք քանդում եք երկրի հիմքը»: