Կանադան նոր պատժամիջոցներ է սահմանել Ռուսաստանի 2 քաղաքացու և 4 ընկերության դեմ՝ «Ղրիմի Ինքնավար Հանրապետության ապօրինի բռնակցման» համար, ասված է ԱԳՆ հաղորդագրության մեջ:

Կանադայի օրենքների համաձայն՝ պատժամիջոցները ներառում են երկրի տարածքում ակտիվների սառեցում և «սև ցուցակի» անդամների հետ գործարքների արգելք: Նրանց չի կարելի նաև ֆինանսական ծառայություններ մատուցել։ ԱԳՆ-ում ընդգծել են, որ նոր պատժամիջոցները համաձայնեցված են Եվրոմիության, Մեծ Բրիտանիայի և Ավստրալիայի գործողությունների հետ: