Եգիպտոսի և Գազայի հատվածի միջև Ռաֆահ սահմանային անցակետը կվերաբացվի մարդասիրական օգնության համար, հայտարարել է ԱՄՆ պետքարտուղար Էնթոնի Բլինքենը Եգիպտոսի նախագահ Աբդել Ֆաթահ ալ Սիսիի հետ կիրակի օրը կայացած հանդիպումից հետո։
«Ռաֆահը կվերաբացվի. Մենք մեխանիզմ ենք ստեղծում ՄԱԿ-ի, Եգիպտոսի, Իսրայելի և այլոց հետ՝ օգնություն ստանալու և այն մարդկանց համար, որոնք դրա կարիքն ունեն»,- ասել է Բլինքենը՝ չմանրամասնելով:
Ամերիկյան լրատվամիջոցները հաղորդում են, որ անցումը կբացվի երկուշաբթի առավոտյան ժամը 06:00-ին, մի քանի ժամով: Մարդասիրական օգնություն տեղափոխող ավտոշարասյուններն արդեն հերթագրված են ներս մտնելու համար։ Ակնկալվում է, որ որոշ օտարերկրյա անձնագիր ունեցողների տարհանում կկատարվի անցակետի միջոցով:
Գազայի հատվածի և Եգիպտոսի միջև ընկած Ռաֆահ անցակետը միակ մնացած կետն է մարդկանց համար, որոնք լքում են անկլավը և որտեղից լինում են մատակարարումներ, սակայն վերջին շաբաթվա մեծ մասը այն փակ է եղել:
«Անհասկանալի է, թե արդյոք ճանապարհորդներին կթույլատրվի անցնել այս անցակետով և որքան ժամանակով: Եթե կարծում եք, որ դա անվնաս է, կարող եք մոտենալ Ռաֆահի սահմանային անցակետին», - ասել են Իսրայելում ԱՄՆ դեսպանատանը՝ հավելելով, որ «եթե անցակետը բացվի, դա կլինի միայն սահմանափակ ժամանակով»:
«Նոայի» անսպասելի պարտությունը Գյումրիում 
