Իրանի նախագահ Էբրահիմ Ռաիսին սուր քննադատության է ենթարկել որոշ իսլամական երկրների, որոնք տնտեսական հարաբերություններ ունեն Իսրայելի հետ Գազայի հատվածում պատերազմի ֆոնին, գրում է Mehr-ը։
Այդ մասին Ռաիսին հայտարարել է Կատարի էմիր Թամիմ բին Համադ Ալ Թանիի հետ Ալժիրում շաբաթ օրը Ալժիրում Գազ արտահանող երկրների 7-րդ ֆորումի առաջնորդների գագաթնաժողովի շրջանակում կայացած հանդիպմանը:
Խոսելով Գազայի հատվածում Իսրայելի գործողությունների մասին՝ Իրանի նախագահը քննադատել է որոշ իսլամական երկրների անտարբերությունն ու անգործությունը։
«Էր-Ռիադում Իսլամական համագործակցության կազմակերպության արտակարգ նիստից հետո ոչ մի արդյունավետ քայլ չի ձեռնարկվել Գազայում սիոնիստների կատարած հանցագործությունները կասեցնելու համար։ Մինչդեռ տարածաշրջանային որոշ կառավարությունների տնտեսական հարաբերությունները Սիոնիստական ռեժիմի հետ շարունակվում են»,- ասել է նա։
Ռաիսին իր խորն ափսոսանքն է հայտնել, որ տարածաշրջանի կառավարությունները «պաղեստինյան խնդրի լուծման հարցում ընկել են անգործության և չափից դուրս պահպանողականության մեջ»։
«Մինչ պաղեստինյան մահմեդական ազգն այսօր ակնկալում է գործնական և արդյունավետ գործողություններ իսլամական կառավարություններից, կարելի է տեսնել, որ որոշ արաբական և իսլամական պետություններ անտարբեր են պաղեստինյան խնդրի նկատմամբ: Ինչպիսի՞ն է իրենց ժողովուրդների արձագանքը Պաղեստինի ճնշված ժողովրդի կոտորածին» - ասել է Ռաիսին։
Տավուշում զինծառայողներ են միացել ճանապարհը փակ պահող քաղաքացիներին 
