Նախագահի նախկին թեկնածու, էպոսագետ Վարդան Սեդրակյանը չի ընդունում փետրվարի 18-ին կայացած  նախագահական ընտրությունների պաշտոնական արդյունքները: Այս մասին էպոսագետն ասաց Yerevanenws.am-­ի հետ զրույցում: Հիշեցնենք, որ ըստ ԿԸՀ  պաշտոնական տվյալների Վարդան Սեդրակյանը ստացել է 6 հազար 210 ձայն:

-Նախ ուզում ենք իմանալ ինչպե՞ս է  Ձեր առողջությունը:

-Ոչինչ,  կամաց­-կամաց լավանում  եմ:

-Ապաքինվում ե՞ք:

-Այո, այո:

-Արդյո՞ք  պատրաստվում եք բողոքարկել  ընտրությունների արդյունքները և կխնդրեի, որ տայիք Ձեր գնահատականն  ընտրությունների պաշտոնական արդյունքների վերաբերյալ:

- Պաշտոնական արդյունքների ամփոփումը վաղը ես մամուլի ասուլիս կհրավիրեմ, որպեսզի ամեն մեկիդ հատ­-հատ չասեմ, բայց, որ զանգել եք ասեմ՝ չեմ պատրաստվում բողոքարկել՝ մեկ,  և երկրորդը՝ չեմ պատրաստվի ճանաչել այս ընտրությունների արդյունքները:

-Հնարավո՞ր է Ձեզ տեսնենք  Րաֆֆի Հովհաննիսյանի կողքին:

-Րաֆֆի Հովհաննիսյանի կողքին ինձ երբեք չեք տեսնի: Ամեն մարդ ունի իր ոճը, իր գործելակերպը  և  ես ընդունում եմ իր պայքարի ձևը, բայց ես ունեմ իմ ձևը, իմ մեթոդները :

-Պարոն Սեդրակյան բարեբախտությու՜ն է,  որ  Ձեզ դեռ չեն ձերբակալել Պարույր Հայրիկյանի գործով :

- Ի՞նչ հարցով պետք է ինձ ձերբակալեին։

-Դուք հայտարարեցիք, որ ընտրություններից  հետո կարող են Ձեզ ձերբակալել:

-Ես ասել եմ ընդամենը, որ դա տարբերակներից մեկն է: Մի բան է, թե  ինչ կցանկանան անել, մի բան է, թե ինչ կստացվի արդյունքը: Ես արդեն այդ գործի մասին մոռացել եմ և Ձեզ էլ խորհուրդ կտայ  մոռանալ :

-Պարոն Սեդրակյան թերևս վերջին հարցը, այս ընտրությունները կարծեք, թե անցյալում են,  առաջիկայում ...   

-Դա ձեզ ուղակի թվում է: Քվեարկության  օրն ասել եմ, երևի դիտել եք հեռուստատեսությունով  այդ պահը։ Ասել եմ, որ  ընտրություններն այդ օրով չեն ավարտվում, ընտրությունները դեռ միայն նոր սկսվում են:

-Այսինքի կարելի՜ է ենթադրել, որ ավագանու և քաղաքապետի մասին  մտածելը դեռ վաղաժամ է:

-Գիտեք ինչ, դեռ մինչև այդ այնքան ժամանակ կա։ Ե՞րբ է Ձեր ասած քաղաքապետի ընտրությունը:

-Մայիսի 5-ին:

-Դե տեսնում եք դեռ երդման արարողություն կա, այնպես, որ շատ ավելի հավանական եմ համարում արտահերթ նախագահական ընտրություն, քան քաղաքապետի ընտրությունները։

 

Զրուցեց  Տիրայր Մուրադյանը