Մայիսի 14-ին կայանալիք Երեւանի ավագանու ընտրություններին մասնակցելու է նաեւ խորհրդարան անցած «Ելք» դաշինքը:
Դաշինքի քաղաքապետի թեկնածուն Նիկոլ Փաշինյանն է: Ներկայացնում ենք դաշինքի համամասնական ցուցակի առաջին տասնյակին:
1.Նիկոլ Փաշինյան
2.Արայիկ Հարությունյան
3.Դավիթ Խաժակյան
4.Անահիտ Բախշյան
5.Աշոտ Աթյան
6.Ալեն Սիմոնյան
7.Անի Խաչատրյան
8.Անի Սամսոնյան
9.Տիգրան Ավինյան
10.Սերգեյ Ղահրամանյան
Դաշինքի համամասնական ցուցակում 63թեկնածուների անուններ են։
Հիշեցնենք, որ ապրիլի 2-ին կայանալիք խորհրդարանական ընտրություններից առաջ «Հանրապետություն», «Քաղաքացիական պայմանագիր» եւ «Լուսավոր Հայաստան» կուսակցությունները միավորվեցին եւ դաշինքով մասնակցեցին: Դաշինքի առաջնորդները որոշել են Երեւանի քաղաքապետի ընտրություններին նույնպես միասին մասնակցել:
Նշենք, որ Երեւանի ավագանու ընտրությունները տեղի կունենան մայիսի 14-ին: Նախընտրական քարոզչությունը կմեկնարկի 2017 թ. ապրիլի 21-ին եւ կշարունակվի մինչեւ մայիսի 12-ը ներառյալ:
Սահմանված ժամկետում Ընտրություններին մասնակցելու գրանցման համար անհրաժեշտ փաստաթղթեր են ներկայացրել Հանրապետական եւ «Երկիր Ծիրանի» կուսակցություններն ու «Ելք» դաշինքը: Կենտրոնական ընտրական հանձնաժողովը կուսակցությունների, կուսակցությունների դաշինքների ցուցակների գրանցումը կիրականացնի ապրիլի 9-14-ին: