Աջափնյակ թաղամասում մարտի 8–ին վթարված տրոլեյբուսը վերանորոգելիս վայր ընկած տղամարդկանից մեկը՝ 62-ամյա Գեղամ Քարամյանը հիվանդանոցում մահացել է։ Տեղեկությունը NEWS.am-ի հետ զրույցում հաստատել է «Արմենիա» բժշկական կենտրոնի վերակենդանացման բաժանմունքի ղեկավար Արա Ղազարյանը։ Նա հայտնել է, որ հիվանդանոց տեղափոխված մյուս տղամարդու՝ Ս. Գասպարյանի առողջական վիճակը շարունակում է ծանր մնալ։
Հիշեցնենք, որ մարտի 8-ին, ժամը 16:00-ի սահմաններում Աջափնյակ թաղամասում վթարված տրոլեյբուսը վերանորոգելիս երկու աշխատակից է ընկել էին 4 մետր բարձրությունից: Նրանք մարմնական վնասվածքներով տեղափոխվել էին «Արմենիա» բժշկական կենտրոն:
Ըստ նախնական տեղեկությունների՝ աշխատակիցները կանգնած են եղել ճանապարհի թույլատրելի հատվածում կայանված եւ վթարային ազդանշանները միացրած ԳԱԶ-53 մակնիշի վթարային ամբարձիչի վրա, երբ հանդիպակաց երթեւեկելի գոտիով անցել է մեկ այլ բեռնատար ավտոմեքենա եւ բախվել տրոլեյբուսի վթարված ճոպանին: Արդյունքում աշխատակիցները վայր են ընկել մոտ 4 մետր բարձրությունից:
Կայծակը հարվածել է Աբու Դաբիից Երևան թռչող ինքնաթիռին, դիմապակին վնասվել է, խուճապ է սկսվել 
