«Ժամանակ» թերթը գրում է. «Հայաստանում բենզինի թանկացումը տեղի է ունեցել շուկան վերահսկող երկու խոշոր ընկերությունների՝ CPS-ի և Flash-ի հակամրցակցային համաձայնության արդյունքում: Դեռևս մի քանի օր առաջ CPS ընկերությունը «նորմալ» տեսակի բենզինը վաճառում էր 390 դրամով, իսկ Flash-ի բենզալցակայաններում նույն տեսակի բենզինը 400 դրամ էր:
Ակնհայտ էր, որ այս ընկերությունները գնի շուրջ ինչ-որ տարաձայնություններ ունեին, և երբ համաձայնության եկան, երկուսն էլ միաժամանակ «նորմալ» տեսակի բենզինի գինը սահմանեցին 410 դրամ:
Թանկացան նաև մյուս տեսակի բենզինի և դիզվառելիքի գները: Նկատենք, որ այս ընթացքում նավթի կամ բենզինի միջազգային գների բարձրացում տեղի չի ունեցել»:
Առավել մանրամասն՝ թերթի այսօրվա համարում:
«Եղել են ինձ ճնշելու փորձեր, բայց ռեկտորը հասկացել է, որ դա վատ հետեւանքներ կունենա ԵՊՀ–ի համար». Արայիկ Հարությունյան 
