Շիրակի մարզի դատախազ Կարեն Գաբրիելյանի հանձնարարությամբ քիչ առաջ ձերբակալվել է գործարար Գարիկ Ուզունյանը՝ Շեկոն։ Հիշեցնենք, որ Ազգային ժողովի պատգամավոր Կարեն Սարուխանյանը դիմել էր ոստիկանություն իր ընկերոջը Անի թաղամասում գտնվող «Ջավախք» խանութի դիմաց ծեծի ենթարկելու համար։ Կարեն Սարուխանյանը որպես միջադեպի մասնակից մատնանշել էր գործարար Շեկոյի անունը։ Ծեծկռտուքի պատճառը եղել էր Կարեն Սարուխանյանի քննադատությունը ՀՀ երկրորդ նախագահ Ռոբերտ Քոչարյանի կողմից՝ երկրաշարժի զոհերի հիշատակին ծաղկեպսակ ուղարկելու մասին, որն էլ, ըստ նրա, ծանր էին տարել Ռոբերտ Քոչարյանի կողմնակիցները։ Շիրակի դատախազ Կարեն Գաբրիելյանն Aravot.am-ին պարզաբանեց, որ Անի թաղամասի «Ջավախք» խանութի դիմաց տեղի ունեցած միջադեպի կապակցությամբ իր կողմից հանձնարարվել է ոստիկանության «Մուշ»-ի բաժնի աշխատակիցներին ՀՀ Քրեական օրենսգրքի 258 հոդվածի 3-րդ մասի 1-ին կետի հատկանիշներով քրեական գործ հարուցել։
Դատախազը նշված քրեական գործով ձեռք բերված համապատասխան տվյալների հիման վրա ցուցում է տվել վարույթն իրականացնող հետաքննության մարմին՝ խուլիգանության դեպքի մասնակիցներից մեկին՝ Գարիկ Ուզունյանին նույն հոդվածի հատկանիշներով, այն է՝ խմբի կազմում բռնությամբ զուգորդված խուլիգանություն կատարելը, ձերբակալել Գարիկ Ուզունյանին։
Նյութի աղբյուրը՝ Aravot.am
Նիկոլ Փաշինյանը պատմել է, թե ինչու է որոշել սափրվել 
