Ֆուտբոլի Գերմանիայի առաջնության 17-րդ տուրում «Հոֆենհայմը» Դորտմունդի «Սիգնալ Իդունա Պարկ» ստադիոնում մրցեց «Բորուսիայի» հետ: Հանդիպումն ավարտվեց 2:1 հաշվով՝ «Հոֆենհայմի» հաղթանակով:
Խաղի հաշիվը 17-րդ րոպեին բացեց «Բորուսիայի» գերմանացի կիսապաշտպան Մարիո Գյոտցեն:
Հայաստանի ազգային հավաքականի հարձակվող Սարգիս Ադամյանը փոխարինման դուրս եկավ երկրորդ խաղակեսում և դարձավ իր թիմի պատասխան գոլի հեղինակը:
«Հոֆենհայմի» հաղթական գոլը խաղի 87-րդ րոպեին խփեց խորվաթ հարձակվող Անդրեյ Կրամարիչը:
Այժմ «Հոֆենհայմն» ունի 27 միավոր և մրցաշարային աղյուսակի 6-րդ տեղում է: «Բորուսիան» չորրորդն է՝ 30 միավորով:
Գերմանիայի առաջնություն, 17-րդ տուր
«Բորուսիա» - «Հոֆենհայմ»՝ 1:2
Մարիո Գյոտցե, 17 - Սարգիս Ադամյան, 79, Անդրեյ Կրամարիչ, 87
Ռուսաստանն «Орешник» բալիստիկ հրթիռ է արձակել Ուկրաինայի ուղղությամբ. ՌԴ նախագահ 
