91 տարեկան հասակում մահացել է Եգիպտոսի նախկին նախագահ Հոսնի Մուբարաքը, հաղորդում է el-Watan թերթը:
Ըստ el-Watan-ի, քաղաքական գործիչը մահացել է երկարատև հիվանդությունից հետո: Հունվարի վերջին նախկին նախագահի մոտ հայտնաբերվել էր ուռուցք, որից հետո նա գտնվում էր վերակենդանացման բաժանմունքում:
Հոսնի Մուբարաքը ղեկավարել է Եգիպտոսը 30 տարի՝ 1981 թվականից մինչև 2011 թվականը: 2011-ի փետրվարին` «Արաբական գարնան» շրջանում զանգվածային ցույցերի և անկարգությունների ֆոնին՝ նա հրաժարական էր ներկայացրել:
2012թ. նրան ցմահ ազատազրկման էին դատապարտել ցույցերի ժամանակ ընդդիմադիրների ուղղությամբ կրակելու հրաման տալու համար, սակայն 2017թ. մարտին դատարանը նրան արդարացրել էր, և Մուբարաքն ազատ էր արձակվել:
Նիկոլ Փաշինյանը պատմել է, թե ինչու է որոշել սափրվել 
