Երևանի «Արարատը» մեկնել է Սերբիա, որտեղ կանցկացնի 10-օրյա ուսումնամարզական հավաք: Այս մասին armsport.am-ին հայտնեցին «Արարատի» մամուլի քարտուղարությունից:

Առաջիկա հավաքին կմասնակցեն «Արարատի» 19 խաղացողներ: Թիմի 4 դարպասապահներից՝ Սերբիա է մեկնել միայն Արսեն Պետրոսյանը: Խնդիրն այն է, որ մյուս երեք դարպասապահները` Գրիգոր Մելիքսեթյանը, Մանվել Աֆրիկյանը և Մայիս Ազիզյանը, օրերս են միացել թիմին, ուստի ակումբը ժամանակ չի ունեցել լուծել նրանց ելքի վիզայի հարցը:

«Արարատի» կազմում Սերբիա են մեկնել հետևյալ ֆուտբոլիստները.

Դարպասապահ՝
Արսեն Պետրոսյան

Պաշտպաններ՝
Վաչագան Կարապետյան, Վահե Մարտիրոսյան, Նորայր Գրիգորյան, Գորիկ Խաչատրյան, Հովհաննես Գրիգորյան, Արմեն Դուրունց

Կիսապաշտպաններ՝
Դավիթ Գրիգորյան, Ավետիք Կիրակոսյան, Անդրանիկ Սարգսյան, Դավիթ Ժ. Գրիգորյան, Գևորգ Օհանյան, Խորեն Վերանյան. Տիգրան Ոսկանյան

Հարձակվողներ՝
Տիգրան Ղարաբաղցյան, Արսեն Բալաբեկյան, Գևորգ Նռանյան, Գալուստ Պետրոսյան

Սերբ պաշտպան Միլոշ Ստամենկովիչը «Արարատին» կմիանա իր հայրենիքում՝ Սերբիայում: Երևանյան ակումբը նախատեսում է անցկացնել 3 ստուգողական հանդիպում: Աբրահամ Խաշմանյանն առաջիկա ուսումնամարզական հավաքի ընթացքում փորձարկելու է նաև արտասահմանցի խաղացողների:
 armsport.am