«Ժամանակ» թերթը գրում է. «Հայաստանում բենզինի գինը շարունակում է ռեկորդային անկում գրանցել՝ 310 դրամ մեկ լիտրի դիմաց, էժանանալով ևս 20 դրամով: Բենզինի նման գին Հայաստանում եղել է 1998-99 թվականներին:
Բենզինի նման էժանացումը պայմանավորված է ոչ այնքան նավթի միջազգային գների անկմամբ, որքան եվրոպական շուկայում բենզինի պահանջարկի կտրուկ նվազմամբ, որը հանգեցրել է բենզինի մեծածախ գնի անկման: Այս պահին բենզինի մեծածախ գինը մոտ 220 դոլար է մեկ տոննայի դիմաց, կամ մոտ 80 դրամ լիտրի դիմաց:
Անգամ նավթի խոշոր արդյունահանող երկիր Ռուսաստանը, որն ունի սեփական նավթավերամշակման արդյունաբերություն, այսօր կանգնած է եվրոպական տարբեր երկրներից էժան բենզինի ներմուծումը կասեցնելու խնդրի առաջ: Բնականաբար, Հայաստանը նման խնդիր չունի:
Առավել մանրամասն՝ թերթի այսօրվա համարում:
